الجمعة، 7 يونيو 2013

واحد كتعيط ليه مرتو فالتلفون و هو ماحاملش يهضر معاها ...
.
قالتليه : الو.
قاليها: الو.
قالتليه: الو.
قاليها : الو الو الو.
قالتليه : الوو.
قاليها :الوووو الوووو ماكانسمع والو.
قالتليه: ماكتسمع والووو حلف بالله.
قاليها : و حق الررب المعبود ماكانسمع شي لعبة.

السبت، 1 يونيو 2013

واحد المرا مشات عند الشوافة..تسبب لراجلهاخمس شهور مبان ضربها بغبرة..تسحر ليها باش ترجعوا .. طلبات منها تجيب ليها شي حاجة من حوايجو ..دات ليها قميجتو(قميص)..وقالت ليها غي كوني هانية من هنا أسبوع غادي يبان..نهار السابع سمعات الدقان في الباب..فتحات وهي تلقى كٌاوري (أجنبي)..
قالت ليه : شكون بغيتي أسيدي ؟
قال ليها: بغيتك انتي -القميجة ديال البال- (مستعملة)
هذا واحد العروبي مشى للبحرعين الدياب ، شاف البنات كيتشمسو ، قال لواحد
الشمكار؛ ناري كون كانت السيبة. رد عليه الشمكار؛ كون كانت السيبة نبدا بيك
أنت الاول.
هدا واحد الراجل مخاصم لا يتكلم مع الزوجة ديالو. كتب ليها: غدا فيقيني مع 6
صباحا...لكن ما فاق حتى 12 ...وهو يلقاها كتبا ليه : فيق راه 6 صباحا.
هدا واحد البخيل ملبس الدجاج ديالو، سليبات باش ميبيضش عند الجيران. ههههههههه سلامة.
هدا واحد البخيل قل ليه ولدو :ابا عطيني 5 دراهم ندرب دويرة انا و صاحبي.قل ليه باه: هاك ها درهم و سير نيشان هههههههه

واحد الراجل مشا عند البقال و قاله اعطيني بوطاغاز جاالبقال قاله و الخاوي ؟؟؟ رد عليه :غدي نشربها هنا.ههههههههه
هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.ناضوا كاملين إلا واحد. سولوه: نتا ما كاتخافش من مرتك؟قال ليهوم: راه قالت لي سير للقهوة وما تحركش حتى نجي هههههههههههه
قاليك هدا واحد لمكلخ ماعمروا مشى لشي مقهى وجلس فيها واحد النهار قال مع راسو والله حتى نمشي لهاد القهوة اللي مصدعينا بيها ونجلس فيها المهم خونا مشى وريح جالعندوا النادل قالوا شنوا حب الخاطر اسيدي قالوا بغيت قهوة مشى النادل جاب ليه كاس ديال القهوة لمكلخ هو يهبط عليه دقة وحدة(بدون نفس) وهو يقول للنادل ممممممم صافي هي هاديك غي جيب لبريق هههههههههههه
كاليك هدا واحد الرجل
قال لولدوا سير جيب 20 فرنك ديال الزبدة
مشا الولد عند مول الحانوت كالوا كاليك بابا عطيه 20 فرنك تاع الزبدة
مول الحانوت قال للولد : سير عيط لباباك يجي يلحس الموس